x

Тестованя 9 бы могло служыти як приїмачкы на середню школу

00

Тестованя 9, знаме і під старшов назвов ,,мoнітор“, бы в будучности могло служыти як приїмаче конаня на середню школу. Матурітный екзамен зась як вступне тестованя про высокы школы. Авізовав то міністер школства, наукы, розвитку і молодежі Томаш Друкер (Hlas-SD). ,,Нашов амбіціёв є сфункчнити моніторінґ девятаків до такой подобы, жебы міг быти хоснованый і як унітарный вступ про приїмачі конаня в предметах як словацькый язык і математіка,“ пояснив Друкер. Середнї школы бы так подля нёго не мусили робити роздїлны тіпы тестованя. Приближыв, же матурітны екзамены бы могли быти акцептованы і хоснованы в повязаню з продовжованём на высокій школї. ,,Кедь говориме і о матурітах, і о єднотливых концорочных тестах, так мусиме зладити даяку уровень і якость тых тестів,” додав міністер.

(TASR, Шутіова)