Новелізація Карного закона, о котрій їднать Народна рада СР на юловім міморяднім засіданю, є выключно о посилніню охраны фінанчных інтересів Европской унії. Председа влады СР Роберт Фіцо то повів у відеу на соціалній сіті. За потребу новелізації обвинює опозіцію, котра подля премєра зробила „фалат брудной роботы на Европскій комісії, оскаржала Словакію і хотіла єй фінанчно пошкодити“. Парламент їднать о владній пропозіції новелізації Карного закона знова в скороченім леґіслатівнім процесі. В понедільок єй посланці голосами коаліції посунули до другого чітаня.

(Медвідь, TASR)