Особа, котра не брала участь в першім колї тестованя антіґеновыма тестами, на друге коло, котре є плановане найблизшый вікенд (7. i 8.11.) іти не сміє. На соціалній сїтї на то упозорнило Міністерство здравотництва СР. Резорт здравотництва то здоводнює тым, же про такых людей надале платить заказ выходжаня подля владной резолуції з 28.октобра. Про такых людей але платить выняток на драгу на тестованя, але лем PCR тестами. Міністерство тыж упозорнило, же особы, котры ся находять в карантенї з іншыма особами з позітівным резултатом тесту, не сміють брати участь на далшім планованім тестованю антіґеновыма тестами, а то ани в припадї, же їх антіґеновый тест быв неґатівный.Така особа, мусить і надале остати в нарядженій ізолації, аж покы не уплине єй час.

(TASR, Шутіова)