Перша намістничка ґенералного прокуратора Словацькой републікы Вєра Ковачікова подала на Конштітучный суд пропозіцію на зачатя процесу в повязаню з выголошіньом стану нужды. Поданя має быти в інтересі одстраніня похыбностей о конштітучности приятого узнесіня влады Словацькой републікы. Про TASR то потвердила говоркыня Ґенералной прокуратуры Яна Текелійова. „Усвідомлюючі собі важность сітуації, пропоновала алтернатівне зрушіня предметного узнесіня або його доповніня в згоді з юрідічным порядком Словацькой републікы,“ доповнила говоркыня. На Словакії од 1-го октобра платить стан нужды, затля на 45 днів. Влада го выголосила в повязаню із згіршуючов ся сітуаційов односно пандемії в смыслі конштітучного закона о безпечности державы в часі войны, войнового стану, выняткового стану і стану нужды. В повязаню з выголошіньом стану нужды до Конштітучного суду звернув ся і опозічный Smer-SD.

(Медвідь, TASR)