Днесь ся одбыло Їднаня председу Народной рады СР Андрея Данка з презідентом Лотишской републикы Раймондсом Вейонісом і председничков парламенту Інаров Мурніеце. Частьов робочой дорогы є і дарованя книжнього дару Словацькой републикы про Лотишску народну книжницю а то шпеціалну едицію Простонародны словацькы прыповідкы од Павла Добшінского. На Словакії выйшло з даной едіції лем 500 штук. Парламентна делеґація підписала і Меморандум о порозуміню меджі Народным інштитутом дітьскых хворот в Братіславі і Дітьскым універзітным шпитальом в Ріґі, котрого цільом є окрім іншого забезпечіти ціркуляцію лікарїв на науково-дослідницьку роботу.
(TASR)