Парламент одобрив новелу закона о соціалнім поіщіню в скороченім режімі, котра мать помочі людям в часі крізы про епідемію нового коронавірусу. Мінять ся условія при даваню лікарьской помочі, такзваной “очеркы“ (OČR), котру буде можне дати родичам  за вшыткы дні в часі запертя школскых і предшколскых інштитуцій, нелем на 10 днів. Окрім даной зміны приносить і корекції при черпаню “немоценского“ і поміч заместнавателям, абы немусіли пропущати. Міністерство праці вырахувало, же в тім року буде “очерка“ выплачена 200.000 поберателям з цалковов довжкы 101 днів і середньов деннов сумов 15,8 евра. Выдавкы на тот крок бы мали ся звышыти на 319,2 міліонів евр в тім року. (TASR, Pkf)