Концорочне высвідчіня днесь достане асі 519.000 школярїв основных школ а 222.000 школярїв середнїх школ. Перше концорочне словне годнотіня сі перебере і 62.656 першаків основных школ. Перед собов мають двоймісячны вакації. Браны школ будуть уж од 30. юна заперты. Школярї ся до лавок вернуть в понедїлёк 1. септембра. Довєдна з нима сі протягом доволенок оддыхне і скоро 64.000 учітелїв і учітелёк. Повказали на то, же конець школьского рока приносить не лем радость з двоймісячных вакацій, але і емоції повязаны зо знамками і заверечным годнотінём. ,,Най суть резултаты хоцьякы, є важне, жебы дїти чули підпору і приятя. Родіче можуть оцїнити їх намагу і покрок за цїлый школьскый рік а є важне їм припоминати, же їх годнота не є становлена лем знамками,“ увели з резорту школства.

(TASR, Шутіова)