Посередницьтвом RT-PCR тестів одгалили вчера дальшых 6315 позітівных на захворіня COVID-19, цілково было выконано 21.978 RT-PCR тестів. Чісло жертв ся звышыло о 73. Зо захворіня, котре запричінює новый коронавірус ся вылічило дальшых 1544 пацєнтів. Інформує о тім Народне центрум здравотницькых інформацій на своїй інтернетовій сторинці covid-19.nczisk.sk. Прибыло тыж 5954 позітівні тестованых антіґеновыма тестами. Цілкове чісло скінченых лабораторных PCR тестів дотепер є 1.429.007. Позітівный выслідок мало 179.543 особ. Цілкове чісло выконаных антіґеновых тестів дотеперь є 1.702.679, з того чісла было  позітівні тестованых 96.475 людей (TASR, Pkf)