Членове Выбору Народной рады СР про обрану і безпечність зачали днесь рано в просторах Братіславского граду выслухованя кандідатів на функцію презідента Поліцайного збору. О місце ся уходили покы повіреный шеф поліції Петер Коварік і началник одділіня самостатного призначеня Презідія Поліцайного збору Штефан Гамран. Кандідаты уж абсолвували выслуханя перед выберовов комісійов, котра рекомандувала на функцію поліцайного презідента обідвох кандідатів. По верейнім выслуханю в парламентнім выборі мать выбор рекомандувати міністрові призначеня єдного з кандідатів до функції презідента Поліцайного збору. Як рекомандацію членове выбору невыдають, міністерство внутра буде мусіти выберове конаня повторити. (TASR, Pkf)