Вызнаня незалежности сепаратістічных републік з боку Росії є подля премєра Словацькой републікы Едуарда Геґера лем підпоров насилства і ненависти. На соціалній сіті то написав в понедільок вечур як реакцію на прояв російского презідента Владиміра Путіна. Премєр собі цінить розважну позіцію Україны, котра подля нього має намагу не давати російскому імперіалізму причіну на інвазію. Тым Київ за словами Геґера хоронить жывоты Українців і Росіянів. Рішіня Кремля вечур крітіковала і презідентка Зузана Чапутова. За їй словами тоты рішіня ничать рокы намаг о вырішіня конфлікту, котрый створила Москва. Подля презіденткы є то вольба конфронтації перед діпломаційов о очівисне порушіня меджінародного права і сувереніты Україны. Вызнаня сепаратістічных реґіонів за незалежны державы крітіковав і міністер загранічных діл Іван Корчок. Днесь буде ку сітуації на Україні засідати і безпечностна рада.

(Медвідь, TASR)