Цілословацькы святкованя сторічніці підпису Декларації словацького народа днесь проходять од 11.00 год. в Мартіні під покровительством председы влады Словацькой републікы Петра Пеллеґрініго. Проґрам святковань зачав о 11.00 год. пєтным актом кладжіня вінців перед історічнов будовов бывшой банкы Татра, де была декларація прията. Приговоры собі на днешній день приготовили найвысшы представителі Словацькой і Чеськой републікы – презіденты, председове парламентів і премєры. О 12.00 год. святочный проґрам на Театралнім намістю зачав сполочным прелетом летецькой технікы Озброєных сил Словацькой републікы і Армії Чеськой републікы. Приятьом Декларації словацького народа представителі народно- політічного жывота Словаків приголосили ся ку нововыникнутій Чехословакії. Веце як 200 представителів публічного жывота пидписало тото выголошіня в Турчаньскім св. Мартіні 30-го октобра 1918-го року, два дні по выголошіню републікы в Празі.
(Медвідь, TASR)