Понад 585 тісяч людей підпорило петіцію за выголошіня референдума о передчасных вольбах. Представителі петічного выбору передали спискы в понедільок в Презідентьскім палаці. Документы перевзяв ведучій Канцеларії презідента СР Метод Шпачек. Презідентка Зузана Чапутова оголосить свої далшы крокы по тім, як ся потвердить, же петіція сповнила конштітуційов передписаны правила. Презідентка має подля свого говорцю Мартіна Стріжінця петічне право в глубокій почливости, зато буде ку тому процесу приступати вынятково одповідно. Презідетка по овіріню підписів має дві можливости. Будь выголосить до 30-ох днів референдум, або ся оберне на Конштітучный суд, жебы тот вырішыв, ці референдумовый вопрос о передчасных вольбах є в згоді з конштітуційов.

(Медвідь, ТASR)