x

В пятницю ся одбуде дальшый поход За слушну Словакію

00

Дальшый поход ініціятивы За слушну Словакію ся одбуде в пятницю 28. септембра в Братіславі зо зачатко о 19. годині. Окрім того походу ся одбудуть і походы в Кошыцьох і в Банскій Быстріці, повів то вчера в часі пресконференції на площадкі СНП в Братіславі представитель даной ініціятівы Юрай Шеліґа. Як далі повів, “в пятницю было то сім місяців, як быв вбитый Ян Куцяк і його приятелька а мы до днешнього дня незнаме кто быв атакуючім і хто є обєднавательом даного атаку. Цільом даного походу є вказати політиком, же ся недаме уварити, як жаба в горці, же сьме ниґде неодыйшли, же фурт тырваме на тім, абы было досліджене вбивство Яна Куцяка і його приятелькы і фурт хочеме владу, котра буде мати наше довіря. Тот поход є тыж і апелом на пана Буґара, котрый як єдиный триме тоту владу по купі.“
(TASR)