На Словакії є актуалні 15 окресів, де є найвекше різіко шыріня захворіня COVID-19. Меджі чорны окресы у четвертім ступіню варованя патрить Партізанске, Дунайска Стреда, Ґаланта, Снина, Нітра, Шаля, Злате Моравце, Ревуца, Рожнява, Бановце над Бебравов, Нове место над Вагом, Глоговец, Піештяні, Трнава і Жіар над Гроном. В третім ступіню – бордовім, є в тім часі 51 окресів. В другім ступіню варованя – червенім, є 13 окресів.  Влада СР на своїм їднаню в минулу середу одобрила в рамках COVID автомату тото розділеня окресів подля актуалной різіковости з діяням од днешнього дня. (TASR, Pkf)