Депутаты Народной рады Словацькой републікы днесь одкрыли рядне засіданя, котре мало зачати минувшый тыждень. Парламент втогды не быв узнесіня способный, не презентовали ся депутаты SaS, ани опозіція. Днесь презентовало ся 117 депутатів. В проґрамі засіданя є майже 140 пунктів. Депутаты бы мали проїднати наприклад приступліня Швеції і Фінландії до НАТО, як і договор о придружіню Словацькой републікы до Европской козмічной аґентуры. Депутаты із руху Sme rodina передложыли пропозіцію на зміну Конштітуції Словацькой републікы, жебы ся міг скоротити волебный період Народной рады конштітучным законом або референдумом.

(Медвідь, TASR)