x

Днесь зачінать Світовый конґрес Русинів

00

Уж од днешнього дня зачнуть до Любовняньскых купелів приходити делеґаты на юбілейный  15-ый Світовый конґрес Русинів, котрый буде до неділі 7-го юла. Русиньска оброда на Словеньску очекує понад 200 делеґатів і гостів русиньскых орґанізацій з Польщі, Сербії, Хорватії, Румунії, Мадярьска, Чеськой републікы, Словакії і Споєных штатів Америкы. В рамках конґресу буде в пятніцю уділена Ціна Василя Турка Гетеша, котру традічно передавать Світовый конґрес Русинів найактівнішым Русинам за їх довгорічне діятельство. В суботу будуть делеґаты конґресу волити председу і членів Світовой рады Русинів на далшый дварічный період. Світова рада Русинів є меджіконґресовый орґан, в котрім мать свого представителя кажда країна, котра є членом Світового конґресу Русинів. Сучастьов конґресу буде і 9-те засіданя Світового форуму русиньской молодежи. А. Кузмякова