Посланцi Народной рады (НР) СР одштаровали днешнє їднаня пропозиціями  з варштату  міністерства школства. Продовжовали в діскусії о пропозиції закона о фінанцованю школ і школскых інштітуцій і закона о школскій справі, о котрых ся діскутує в тзв. злучeній діскусії. Пропозиції мають принести дакілько змін, наприклад, управу школскых округів, взникне новый інштітут публічного надавателя выховы і навчаня, котрый мать приїмати діти і школярів подля приналежности публічного школского округу і не може услововати надаваня навчаня ниякым протиповніньом. Днесь посланців чекать і голосованя о переробленых пунктах. Рішыти ся мать пропозиція штатного розрахунку на будучій рік ці новела закона о народнім здравотніцькім інформачнім сістемі. (TASR, Пкф)