x

Достал: 50-дньове мораторіюм в зъявній незгоді з конштітуційов

00

Пятьдесятьдньове мораторіюм на баданя общого мніня буде подля депутата парламенту Ондрея Достала абсурдне і в зъявній незгоді з Конштітуційов Словацькой републікы. Депутат так реаґовав на пропозіцію закона, котра была вчера схвалена, і котра заказ публіковати баданя продовжыла зо сучасных 14 на 50 днів. Достал на понедільовій пресконференції звернув увагу, же конштітуція точно встановлює, коли мож обмеджыти свободне пошырьованя інформацій і свободы прояву. Іде наприклад о інтерес безпечности штату, здоровля ці моралкы. „Вже 14-дньове мораторіюм на баданя общого мніня є подля мого погляду в незгоді з односнов статьов конштітуції, бо істо не іде о жаден потрібный крок в демократічній сполочности на охорону будьякого публічного інтересу. 50-дньове мораторіюм буде вже штось абсолутно абсурдне і буде в зъявній незгоді з конштітуційов,“ повів депутат. Подля опозічных депутатів схвалена новела скінчіть на Конштітучнім суді Словацькой републікы.

(Медвідь, TASR)