Дочасні повіреный председа влады СР Едуард Геґер завтра 27-го апріла навщівить міста і села на югу середньой Словакії. Пресаґентуру TASR о тім інформував пресовый і інформачный одбор Уряду влады СР. Наприклад в Лученці буде премєр діскутовати зо штудентами в рамках годины наука о сполочности о механізмох фунґованя влады ці парламенту. Потім собі в Ождянох попозерать выставбу ціклотрасы Полтар – Рімавска Собота, котра веде по невыужываній желізничній штрекі. В Рімавскій Соботі буде Геґер брати участь на пресконференції на тему розвоя безробітности в реґіоні. В рамках выязду председа влады навщівить тыж Словацькы маґнезітовы заводы в Єлшаві.