До Рождества бы мали проходити три кола тестованя, в котрых ся має схосновати вісем міліонів антіґеновых тестів. Потвердив то премєр Іґор Матовіч по понедільковім засіданю централного крізового штабу з тым, же тестованя на штабі схвалили. Перше коло ся має одбыти 6-го децембра і має быти цілодержавне. Далшы дві бы мали быти в містах і селах, котры з першого кола выйдуть як проблематічны. Окремы компоненты державы, котры будуть брати участь на планованю, бы подля Матовіча мали прийти до середы з пропозіційов, як зреалізовати вісем міліонів тестів почас трьох децембровых вікендів. Веце детайлів ку тестованю премєр не повів. Штаб рішыв і вопрос навернутя дітей до школ. Затля ку увольньованю не прийде. Матовіч авізує пропозіцію, котра бы школярів 2-го ступня основных школ і штудентів середніх школ могла вернути до школ на остатні два тыждні. Детайлы не уточнив.

(Медвідь, TASR)