Міністер школства Томаш Друкер (Hlas-SD) у четверь одовздав оцїнїня вынятковым школярїм за успішну репрезентацію Словеньска на меджінародных предметовых олімпіядах а змаганях в школьскім роцї 2024/2025. Іде о школярїв середнїх школ, котрых зведавость i туга по познаню веде ку міморядным успіхом. Святочна подїя ся одбыла в історічній будові Народной рады СР. TASR о тім інформовали з одбору комунікації і маркетінґу резорту. ,,Оцїнїня міністра належыть 41 школярїм зо 17 школ з різных реґіонів Словеньска, котры в минулім школьскім роцї здобыли златы, стріберны і бронзовы медаілы, як і честне узнаня в силнїй конкуренції ровесників з цїлого світа,“ приближыли. Міністер протягом церемонії підкреслив, же успіхы молодых талентів не суть нагода. Окремо ся подяковав педаґоґім і ведучім тімів, котры школярім веновали стовкы годин приправы, а родічім, котры підпоровали молодых людей і в тяжкых моментох.

(TASR, Шутіова)