Міморядне засіданя Народной рады Словацькой републікы, котре ініціовав рух Progresívne Slovensko ку зрушіню трансакчной дани, не буде. Підпредседа парламенту повіреный їй ряджіньом Петер Жіґа го не може скликати, кедьже проґрам засіданя є єднакый із пропозіційов, котру влони в децембрі парламент одшмарив, і іщі не перешла повинна шістьмісячне легота. Про аґентуру TASR о тім інформовало Одділіня комунікації Канцеларії НР СР. Покля посланці не схвалять пропозіцію закона, подля порядку засіданя НР СР може нова пропозіція закона в тім самім ділі подати ся найскоріше о шість місяців. Пропозіцію на скликаня міморядного засіданя подали посланці руху Progresívne Slovensko минувшый тыждень. Твердять, же нова дань, котру мають подникателі почати платити од апріля, є шкодлива, і не мала бы ся ниґда реалізовати.

(Медвідь, TASR)