Пропозіцію закона о Словацькій телевізії і радію (STaR) обговорить влада в середу на выїздовім засіданю. По понедільковій робочій навщіві Міністерства културы СР то повів председа влады Роберт Фіцо. Премєр підкреслив, же сучасна RTVS потребує зміну веджіня і новый закон. Арґументовав тым, же сучасне телерадіо не докаже забезпечіти гражданам право на обєктівны інформації. Обивнив RTVS, же воює з владов, причім подля його слов влада теперь занимать ся важныма проблемами. Ку тій роботі хоче Фіцо „обєктівне медіалне оточіня, котре владу покаргать, кедь буде треба, но єдночасно не буде іґноровати позітівны крокы, котры робить.“

(Медвідь, TASR)