В місяці май 2022-го року презідентка Словацькой републікы Зузана Чапутова підписала два законы, котры дотуляють ся фінанцованя Матиці словацькой і мадярьского союзу Csemadok. Покля новела закона о Матиці словацькій має быти платна од 1-го януара 2023-го року, і звекшыть ся ньов сума на фінанцованя інштітуції із сучасных 1 344 600 на 1,5 міліона евр, закон о фінанчній підпорі про Csemadok зачав быти платный од 1-го юла. Мадярьскый общественный і културный союз на Словакії – Csemadok має подля нього діставати 300 000 евр каждый рік прямо од Міністерства културы Словацькой републікы. Споминаный закон, котрый на пропозіцію депутата Дьордя Дімешія перешов в парламенті, є вынятком, котрый звыгоднює єдну меншынову орґанізацію єдной народностной меншыны. (LEM.FM, Pkf)