x

Занедовго зачне ся реалізувати проєкт Фінанчной справы СР еКаса

00

Фінанчна справа СР протестувала протів тверджіню опозичной партії SaS, за словами котрой загрожує при зачаті проєкту еКаса хаос. Приправы на повинне онлайн припоїня вшыткых реґістрачных касс до сістему фінанчной справы реалізують ся за планом. „Фінанчна справа одмітать, абы політиці злоужывали  тему “онлайні-зації“ реґістрачных касс і коротко перед зачатьом проєкту про общность шырили непокій і неправдивы інформації,“ увела то в реакції на выголошіня SaS говоркыня фінанчной справы Івана Скоканова. (TASR, Pkf)