Народна трансфузна служба (НТС) СР актуално евідує понижаня засоб кырвных ґруп А, Б а 0 з неґатівным Рг фактором. Інформує о тім на соціалній сїтї. ,,В припадї, же сьте здравы а сповняте вшыткы условія на дарованя, прошу, прийдьте даровати на нашы одберны центра,“ вызывать НТС. Дарцём кырви ся може стати каждый, хто мать 18 аж 60 років, 50 кілоґрамів а сповнять основны здравотны пожадавкы. Хлопи можуть кров даровати кажды три а жены кажды штири місяцї. Обєднати ся на одбер мож і онлайн на вебовій сторінцї www.ntssr.sk ці посередництвом мобілой аплікації.

(TASR, Шутіова)