В понедільок 27-го януара одбыло ся установлююче засіданя новой Рады влады Словацькой републікы про народностны меншыны. Засіданя одкрыв премєр Роберт Фіцо, котрый є єдночасно і председом нововыникнутой меншыновой рады. Тот окрім іншого припомянув, же в тот день є Меджінародный день памяти жертв голокаусту, і же в році 1995 Русины кодіфіковали в тот день свій язык. По приговорі премєра і підпредседы рады Акоша Гороня, уповномоченого про народностны меншыны, засіданя продовжовало робочім проґрамом. На засіданю были участны кооптованы членове із бывшого народностного выбору. Вольбы новых членів рады одбудуть ся у фебруарі і далше рядне засіданя рады мало бы ся одбыти в місцяці апріль або май.

(Медвідь)