Здравотницькы сполочности, котры належать до ґрупы Пента досягли в минулім року прибуток 16,7 міліонів евр. Найліпшый господарьскый выслідок мала здравотна поістьовня Двовера, а то 17 міліонів евр. В припаді поліклінік Прокаре быв 0,4 міліонів евр а сіть шпиталів Світ здоровя мінус 0,7 міліонів евр. „Нашы сполочности довгочасово господарять одповідні і вытвореный прибуток так можеме до сектору знову реінвестовати. Єдночасно то значіть, же ся непотребуєме запоёвати до оддовжуваня і сьме так прикладом того, же і в словацькім здравотницьтві є можне фунґовати якістно а притім і ефективні,“ повів Едуард Матак, партнер в Пента Інвестмен.
(TASR)