На зміну здравотной поістьовні мають люди час уж лем днесь, значіть до кінця септембра. Інформовав о тім Уряд про дозор над здравотнов старосливостьов на своїм вебсайті. Поістенці собі можуть выбрати меджі державнов і двома пріватныма поістьованями. Змінити здравотну поістьованю мож лем раз за рік, причім приглашку мож загнати лем до єдной поістьовні. Покля поістенець зажене приглашку до здравотной поістьовні до 30-го септембра календарьного року, здравотна поістьованя, котра приглашку потвердила, є його поістьовньов од 1-го януара слідуючого року.

(Медвідь, TASR)