Кедь бы ся парламентны вольбы одбыли в юні, з 20,3 процентами бы в них перемогла партія Smer-SD. На другім місці бы была коаліція Проґресівне Словеньско і Сполу-обчаньска демокрація з 15,7 процентами і третя Людова страна наше Словеньско з 12,6 процентами голосів. Выходить то з дослідженя аґентуры Фокус на взоркі 1023 респондентів. Четверте місце мать в юновім дослідженю SNS із 7,3 процентами. Наслідує SaS із 7,1 процентами опросеных, рух KDH і Сме родина мають по 7 процентах голосів. Взникаюча партія За людей мать в дослідженю 5,2 процентів і як послідній бы ся до парламенту достав рух OĽaNO із прибытком 5,1 процентів. Дослідженя ся одбыло в дньох 19-го аж 25- го юна. (TASR, Пкф)