Покля бы повторяно не перешов державный розрахунок Словакії на слідуючій рік і країна бы ся знайшла в провізорію, председа руху Sme rodina і Народной рады Словацькой републікы Боріс Коллар бы глядав рішіня сітуації. Скликав бы округлый стіл із представителями релевантных партій, причім пріорітов бы было доїднати ся на далшім фунґованю і доданю помочі людям. Но покля бы ся рішіня не подарило найти, єднов з путей бы были пердчасны вольбы. Про аґентуру TASR то повіла Колларова говоркыня Михаела Юрцова. Як далше пояснила, про шефа парламенту є пріорітов адресна поміч людям, і зато бы глядав можности і без схваліня розрахунку.

(Медвідь, TASR)