Комісарь про діти Йозеф МІклошко вызвав на заказ онлайн продая нікотіновых продуктів. Твердить, же діти ся ку ним знають дістати і без контролі. Міністерства, але і посланці Народной рады СР бы ся мали подля нього штонайскоріше заміряти на приятя ефектівных леґіслатівных кроків, котры ефектівно заборонять продаю навыковых выробків дітям. В першім шорі апелує на ефектівне провірьованя віку, інформує аґентура TASR. Міклошко поважує за алармуюче, же діти ся можуть дістати ку такым продуктам просто посередництвом інтернету, причім дакотры е-шопы выжадують лем єдносторонну декларацію, же хоснователь має веце як 18 років. Достаточне провіріня віку за його словами не фунґує ани на выдайных місцях, в трафіках ці на продайных місцях табаковых і нікотіновых выробків.

(Медвідь, TASR)