Міністер загранічных дїл і европскых справ Мірослав Лайчак вырїшив зістати у функції. В найблизшім часї зробить потрібны крокы. Пересвідчіли го ґаранції премєра Петра Пеллеґрініго і председу Смеру-СД Роберта Фіца односно загранічной політікы Словакії. Інформовал о тім Лайчак у своїм выголошіню. В даній сітуації і з цїлём не натїговати актуалну сітуацію і не затяжовати нёв словацькый політічный і медіалный простор ознамив, же прияв розгоднутя продовжовати у выконованю мандату міністра загранічных дїл і европскых справ. Лайчак підкреслив, же про демісію ся розгоднув не про міґрацію, але зато, же є пересвідченый, же є на шкоду Словакії і єй жытелїв, кедь не є нашым діпломатам доволене брати участь в діскузіях о справах, котры ся нас дотуляють.
(TASR, Цітрякова)
Фото: TASR/AP