x

Лубійова: При оціньованю проєктів зробила хыбу єдна особа

00

При оціньованю проєктів на придільованя стімулів на баданя і розвиток зробила хыбу єдна особа, потвердила то в понедільок на своїм бріфінґу міністерка школства, наукы, досліджіня і шпорту Мартіна Лубійова. „Пришло ку похыбіню єдной конкретной особы, котра оціньовала проєкты, то ся днесь потвердило медіалізованыма інформаціями. Мы сьме тоту особу вызвали, жебы то публічно пояснила, але кедьже не хоче публіковати свою ідентіту і не хоче, жебы сьме єй публіковали, та єй подля GDPR не годны сьме публіковати. Зато роздумуєме і подаме карне оголошіня в повязаню з тым, жебы ся потвердило, же в тім індівідуалнім оціньованю, в котрім не сиділи пункты, не пришло ку даякому некалому діяню,“ повіла міністерка. Лубійова оголосила, же в повязаню з кавзов одкилче ґенералного директора секції наукы і технікы на резорті школства Марека Гайдука.

(Медвідь, TASR)