Ґенералный прокуратор Марош Жілінка протестував проти высловам премьєра Роберта Фіца, котры одзвучали в суботній діскусній релації STVR «Суботні діалоґы». Означів їх за остры особны атакы і осочованя. Ґенералный прокуратор то увів на соціальній сіті. Премьєр в суботу увів, же Жілінка засягує до політікы і стратив довіру влады. Думать собі, же ґенералный прокуратор вырішыв в контексті ближяючіх ся парламентных волеб  вступити до рінґу. Премьєр тыж реаґовав на Жілінковы тоготыждньовы высловы о тім, же корупція в Словакії ся в минулім році перестала досліджувати. Подля премьєра є паном карного караня прокуратура, тота але перестала фунґовати і Жілінка гадже вину на іншых людей. (TASR, Пкф)