x

Мінімалный заробіток в будучім року мать быти 623 евр

00

Мінімалный заробіток в будучім року мать быти 623 евр в грубім намість 620 евр і мать быти то значіть у вышкі 57% серeднього заробітку в мінулім року. Звышыть ся з тогорічных 580 евр. По новім ся змінить і сістем призначуваня шестьох уровні мінімалного заробітку подля ступіня тяжкости роботы і аплікуваный мать быти павшал звышіня у вышкі 43 евр. Окрім того ся призначіть і  певна сума приплатків за роботу. Выходить то з пропозиції закона о мінімалнім заробітку, котрый вчера парламент посунув до другого чітаня. (TASR, Pkf)