Міністерство обороны спущать маркетінґово-комунікачну кампань на підпору реґрутації. Цільом є підняти інтерес о роботу професіоналного вояка. Інформовав о тім в понедільок шеф резорту Петер Ґайдош на пресконференції. „Головным цільом є еліміновати знижованя інтересу о професію професіоналного вояка, а єднако і заставити або позаставити одходжіня скушеных професіоналных вояків, до котрых выцвіку і освіты сьме інвестовали немалы фінанчны средства і їх знаня суть ненагородительным вкладом про піднятя якости Озброєных сил,“ повів міністер. Геслом кампані є „Героїв не роблять речі, а чіны… Придайте ся ку нам“. Міністер є пересвідченый о тім, же каждый професіоналный вояк ці воячка є геройом, бо суть ґарантами безпечности Словакії.

(Медвідь, TASR)