Міністерство обороны видить в крітіці резорту од представителів руху OĽaNO здобываня політічного капіталу і намагу звидительнити ся. Подля говоркыні міністерства Данкы Цапаковой за сучасне веджіня бісідують чіны. Цапакова спомянула історічне піднятя платів професіоналных вояків, реалну модернізацію озброєных сил, зреконштруованы лічебны заряджіня і старостливость о войновых ветеранів. Представителі OĽaNO на понедільковій пресконференції крітіковали SNS і їй міністра Петра Ґайдоша в резорті обороны. Бісідовали о несістематічности, але і знеужываню властей. Міністра крітіковали, же хоць до резорту іде все веце грошей, не знав їх перемінити до якости озброєных сил.

(Медвідь, TASR)