В рамках робочой пути в Польщі навщівив міністер загранічных дїл і европскых залежностей СР Юрай Бланарь варшавску централу Европской аґентуры про погранічну і побережну страж (Frontex). Зо заступкынёв єй выконного директора про способности Аійов Калнаёвов діскутовав о вызвах нелеґалной міґрації і можностях кооперації при рїшінях на уровни Европской унії, як і єднотливых членьскых штатів. Міністер Бланарь у Варшаві діскутовав і з польскым міністром загранічных дїл Радославом Сікорьскым а зарівно з председом Выбору про загранічны дїла Сейму Польской републікы і уповномоченым польской влады про обнову Україны Павлом Ковалом. Окрем централы Фронтексу навщівив і Музей Варшавского повстаня а в просторах амбасады СР ся стрїтив зо заступцями словацькой краяньской комуніты.

(TASR, Шутіова)