Словацькый міністер школства Томаш Друкер  прийме ческого шефа резорту школства Роберта Плаґу. Зробить то в рамках робочой драгы Плаґу на Словакії. Тота ся одбуде в дньох 22-го аж 23-го януара. Пресаґентуру TASR о тім інформовали з одбору комунікації Міністерства школства, дослідженя, розвоя і молодежі СР. „Їднаня будуть заміряны на выміну скусеностей і доброй праксі в ключовых темах резортів школства обідвох країн, найвеце на сіті школ і оптімалну великость школ, фінанцованя высокых школ, заказ хоснуваня мобільных телефонів на школах, передшколску, основну і середню едукацію вєдно діґіталізації процесу приїманя школярів на школы, порадництво, превенцію і десеґреґацію, розвой педаґоґів і охрану дітей у діґітальнім просторі і на соціальных сітях,“ прибльжыли. (TASR, Пкф)