Европска комісія у вчерайшій пропозиції на посилніня внуторной безпечности выділила з будучого сімрічного бютжету Европской унії суму 4,8 міліярды евр. В даній сумі, як повів підпредседа Европской комісії про Енерґетіцьку унію Марош Шевчовіч, суть і фінанції призначены на вычленіня ядровых заряджінь в дакотрых членскых штатох Европской унії, што ся тыкать і Словакії. „Єм рад, же ся подарило пересвідчити колеґів, же кошты повязаны з вычленіням Ясловскых Богуніц суть фурт вынятково высокы. Нас уж зачінать тиснути час, бо термін вычленіня є рік 2025. Договорили сьме ся, же про тот проґрам на Словакії є покы выділеных 55 міліонів евр,“ скоментував ситуацію Шевчовіч.
(TASR)