На Словакії жыє 5 449 270 жытелів. З цілковой кількости жытелів є 49 процент мужів і 51 процент жен. Такы чісла выходять з першых основных резултатів тогорічного Списованя жытелів, домів і квартелів 2021.В понедільок о них інформовали на пресконференції представителі Штатістічного уряду Словацькой републікы. Даны о членах народностных меншын ці о реліґійній приналежности в першых публікованых резултатах не суть. Резултаты потвердили тренд, же населіня старіє. В передпродуктівнім віці (од 0 до 14 років) є на Словакії 16 процент жытелів, в продуктівнім (од 15 до 64 років) 67 процент, і в попродуктівнім віці (веце як 65 років) має Словакія 17 процент населіня. Аж 98,9 процента жытелів з тырвалым перебываньом на Словакії суть гражданы Словацькой републікы. З першых резултатів знаме і то, же о дашто веце жытелів, конкретно 53,2 процента, жыє в містах, 46,8 процент населіня жыє в селах.

(Медвідь, TASR)