Першы ославы Свята роботы на теріторії днешнёй Словакії ся одбыли перед 135 роками. Одбыли ся 1. мая на 1890 на трёх місцях – В Братїславі в ареалї Желїзной студнічкы, дале в Кошіцях а в Ліптовскім Микулаші. Законом з марца 1919 быв 1. май по взнику Чехословацькой републікы выголошеный за штатне свято. Першый май але не є лем Святом роботы, але мать тыж церьковный розмір. Про віруючіх католицькой церькви є днём літурґічной спомінкы на святого Йосифа робітника, патрона робочіх. Офіціално выголосив св. Йосифа за охранцю цїлой церькви папа Піус IX. в роцї 1870. Папа Піус XII. розшырив патронат св. Йосифа на вшыткых робочіх а од року 1955 му присвятили праві 1. май, котрый ся святкує як День роботы.

(TASR, Шутіова)