Нове зложіня Уставного суду СР, котрый є наконець комплетный, бы могло быти тым найліпшым за цілу його історію. Вірять тому заступцове коаліції і опозиції з Устаноправного выбору Народной рады СР. Повіли о тім в недільняйшій дискусній релації RTVS О 5 мінут 12. „В рамках можности є то правдеподобні то найліпше, што ся дало. Є шанца, кедь  Уставный суд зачне свою роботу, же буде повнити свою найважнішу задачу – хранити уставність і основны людьскых прав,“ оцінив председа выбору Роберт Мадей. Зложіня суду поважує за зодповідаючо выважене. (TASR, Pkf)