Одборовый союз поліції СР крітізує думку, жебы актівны поліцайты выконовали службу як жандарі. Вымагають выпущіня певныx часті з пропонованого закона о дакотрых опатрінях на звышіня одолности СР в области обороны і безпечности, і о оборонній повинности. О тім інформовали одборары на соціалній сіті. Міністерство обороны, то значіть, дало до Народной рады СР новый закон, котрый мать змінити фунґованя актівных часті, котры замінять Народны оборонны силы. Тоты часті бы ся могли отворити шыршому округу людей. В рамках того закону міг бы быти зрядженый і Жандарськый збор, котрый бы быв вытвореный передовшыткым з вояків, але і з поліцайтів, котры бы помагали поліції при утримованю публічного порядку. Посланці мають о тім пропонованім законі діскутовати в понедільок і на засіданю Выбору НР СР про оборону і безпечность. (TASR, Pkf)