Міністерство обороны СР попереджує верейность на три транспорты воєньской технікы заграничных союзницькых озброєных сил через територію Словакії. Напланованы суть од 17-го до 23-го авґуста. Пресову аґентуру TASR о тім інформувала говоркыня резорту Мартіна Коваль Какашчікова. Піде о транспорт америцькых, хорватьскых і мадярьскых вояків в рамках навернутя з тренованя. Транзіты были одобрены в змыслі кроків Уряду верейного здравотницьтва Словацькой републикы. (TASR, Pkf)