Зміну Уставы СР бы Рух Словеньско підпорило лем в припаді, кідь бы ю предложыло опозічне KDH. „Мафії не будеме помагати, жебы ся ту грала на хрістиянів,“ повів опозічный посланець парламенту і лідер Руху Словеньско Іґор Матовіч в недільній діскузній релації В політіці на ТА3. Матовіч в релації окрім іншого іші повів, же бывшый міністер обороны Ярослав Надь (Демократы) окламав тогдышню владу при дарованю противоздушной обороны С300 на Україну. Твердив, же за дарованя той технiкы забезпечів нагороду у союзників, а то Патріоты. То не была, подля лідера руху, правда. (TASR, Пкф)