Основны школы можуть здобыти ґрант на підпору інклузівного школованя. В пілотнім рочнику бы ся мали підпорити дві основны школы цїлковов сумов 200 000 евр. О підпору можуть жадати школы з цїлого Словеньска до 30. юна. Проєкт Наша інклузівна школа спустила Надація Волксваґен Словакія. Запоїти ся можуть ОШ з уж зачатым процесом інклузії, котры забезпечують выхову і школованя вшыткых школярїв без розлукы. Дале тоты, котры сполупрацують з локалнов сїтёв підпоруючов інклузівне школованя в шыршім рамці або ОШ зо заземём в подобі функчного школьского підпорного тіму зо замірянём на інклузівне школованя.

(TASR, Шутіова)