Із 300 міліонів на науку універзіты не дістали з міністерства школства нич, вшытко ішло фірмам, котры належать під його резорт. Нагніваны ректоры пишуть міністрови школства Плавчанови. „Выслідкы еврофондовой вызвы анулуйте“ – вызывають в острім писмі ректоры найвекшых словацькых універзіт і шеф Словацькой академії наук. Міністерство школства роздільовало скоро 300 міліонів евр на довгочасне стратеґічне досліджіня і розвиток. Но великы словацькы універзіты і Словацька академія наук з тых фінанцій не мають дістати нич. Успішны были лем пріватны фірмы резорту школства – iнформовало о тім міністерство кінцьом юна. Ректоры великых універзіт і шеф Словацькой академії наук жадають міністра ануловати выслідкы, котры поважують за шкандалозны.
(Анна Кузмякова)