Як бы ся парламентны вольбы одбыли в половині авґуста, з 20,8 процентами голосів бы в них перемогла партія Smer-SD. На другім місці бы была коаліція партій Проґресівне Словеньско (PS) і Сполу – обчаньска демокрація із 14,9 процентами і третя бы скінчила ĽSNS із 11,4 процентами голосів. Выходить то із дослідженя аґентуры Focus на взоркі 1010 репсондентів, котрый ся одбыв од 13-го авґуста до 19-го  авґуста. Четверте місце мать в дослідженю партія SaS із 7,9 перцентами голосів. Наслідує KDH, котре бы здобыло 7,3 процентів і SNS, котра бы мала сім процентів. На семім місці бы скінчів союз Сме родіна із прибытком 6,6 процентів, наслідує OĽaNO із 6,1 процентами і як послідня бы ся до парламенту достала взникаюча партія За людей із 5,5 процентами голосів (TASR, Pkf)